Өскемен мен ШҚО ШҚО-да жас дәрігерлерге жұмыс істеуі үшін барлық жағдай жасалмақ
ШҚО Денсаулық сақтау басқармасының бастамасымен облыстағы медициналық мекемелердің бас дәрігерлері Семей медициналық университетіндегі болашақ түлектермен кездесті
Бас дәрігерлер жұмыс орындарындағы еңбек шарттарын түсіндірді. Мәселен, ауылды елді мекендерге келген жас мамандарды толық әлеуметтік пакет ұсынылады: көтерме ақы және баспана, ауылда жұмыс істегені үшін еңбекақысына үстеме ақы тағы қосылады. Экстерндерге акушер-гинеколог, реаниматолог, педиатр, неонатолог, кардиолог, радиационный онколог, фтизиатр сынды мамандықтар бойынша жұмыстар ұсынылды.
Естеріңізге сала кетейік, жақында облыстық әкімдіктегі кеңейтілген отырыста ШҚО әкімі Даниал Ахметов өңірдегі медициналық мекемелердегі дәрігер тапшылығы мәселесін шешу туралы тапсырма берген болатын.