ШҚО құтқарушылары тауда жүріп жарақаттанған азаматқа дереу көмекке жетті

22 тамызда 20 сағат 35 минут шамасында Риддер қаласының «112» қызметіне қаладан 40 шақырым жерде «Үш ағайынды» таулы аумағында төтенше жағдай орын алғаны туралы хабар түскен, деп хабарлайды Устинка LIVE тілшісі. 1971 жылы туған ер адам демалыста жүргенде басынан жарақат алып, тасымалдауға көмек қажет болған. Оқиға орнына келген құтқарушылар алғашқы медициналық көмек көрсетіп, зардап шеккен адамды жедел жәрдем көлігіне жеткізді.

ШҚО ТЖД табиғи ортадағы қарапайым қауіпсіздік ережелерін еске салады:

1. Орманға немесе тауға жиналған кезде бәрін ұсақ-түйекке дейін есептеу қажет, бұл сіздің сапарыңыздың қаншалықты ыңғайлы болатынына байланысты. Ауа райы болжамын алдын ала қараңыз. Өзіңізбен бірге карта мен компасты алыңыз. Жақындарыңызға немесе достарыңызға қайда бара жатқаныңызды және қашан оралуды жоспарлағаныңызды айтыңыз. Егер сіз белгіленген уақытта оралмасаңыз, олар сізді іздей бастайды.

2. Қажет нәрсенің бәрін алыңыз. Атап айтқанда: полиэтилен немесе тент, компас, пышақ, сіріңке, тұз, зарядталған ұялы телефон, кішкене азық-түлік рационы, ауыз су, жеңіл қосалқы киім. Жаңбыр жауған кезде олар ылғал болмас үшін сіріңкелер мен киімдерді полиэтиленге салыңыз. Сондай-ақ, алғашқы медициналық көмек жинағын алу ұсынылады: таңғыштар, пластырь, ауырсынуды басатын таблеткалар, йод, пероксид, «зеленка».

3. Ашық түсті киім киіңіз! Құтқарушылар камуфляждан гөрі ашық түсті киім киюге кеңес береді. Камуфляж жоғалған адамды іздеуді едәуір қиындатады, ал ашық түсті киім адамды жасыл ағаштар мен бұталардың арасынан байқауға мүмкіндік береді.

4. Егер қараңғы түсе бастаса, жол іздеуді таңертең жалғастыру қажет. Қараңғыда өміріңіз бен денсаулығыңызға қауіп төнеді. Ашық жерде ұйықтамауға тырысыңыз, бұтақтардан, қарағай немесе шырша бұтақтарынан төсек салып, үстіне жылы көрпе немесе каримат салған жөн.

5. Белгі беріңіз. Егер іздеулер бір тәуліктен астам уақытқа созылса, құтқарушыларға көмектесу керек. Яғни, жапырақтарды жағып, түтін шығауға болады. Сізді жылдам байқайтындай ашық жерге шығу қажет.

ШҚО ТЖД төтенше жағдай кезінде 112 нөміріне хабарлауды ескертеді.