Өскемен мен ШҚО Өскемендіктер Абай әлеміне саяхат жасады
Өскемен қаласындағы Оралхан Бөкей атындағы кітапхана өз оқырмандары үшін "Бала Абайдан – дана Абайға» дейін..." деген атаумен Абайдың болмысын, табиғатын және Абай әлемін ашатын мерекелік кеш ұйымдастырды
Осылайша ұлы данышпанның даналық тағылымы Алаш баласының ғана емес, адамзат ақыл-ойының темірқазығына айналды. Мерекелік шараның шымылдығы "Әдеби дастархан" атты дәстүрлі кітап көрмесімен түрілді. Қонақтар Абай мұраларынан сыр шертетін көрмеде ақынның өмірі мен шығармашылығына арналған зерттеулермен және ақын туралы көркем әдебиеттермен танысты.
Шара барысында көрерменге "Оралхан Бөкейдің әдеби залында" Абай Құнанбайұлы туралы 1945 жылы тұңғыш рет түсірілген "Абай әндері" атты көркем фильм ұсынылды.
Бұл фильмді бұрын көрген жоқпын, енді ғана көріп тұрмын. Маған ерекше ұнады. Фильмде Абай атамыздың өмірі мен шығармашылығы көрсетілді. Сонымен бірге VR көзілдірігі арқылы саяхат жасадым, - дейді жас оқырманымыз Айдана Асылқызы.
