Өскемен
пасмурно
+11°
  • Өскемен
    +11°
  • Алматы
    +10°
  • Астана
    +3°
  • Ақтөбе
    -2°
  • Актау
    +7°
  • Орал
    +2°
  • Қарағанды
    +4°
  • Көкшетау
    +3°
  • Қостанай
    +1°
  • Қызылорда
    +9°
  • Павлодар
    +6°
  • Петропавловск
    +2°
  • Тараз
    +8°
  • Туркестан
    -3°
  • Шымкент
    +7°
$
448.15
-1.43
483.46
-3.48
¥
61.99
-0.23
4.86
ҚР Ұлттық банк курстары

Егер бір оқиғаның куәсі болсаңыз, құқығыңыз бұзылса немесе қандайда бір мәселені көтергіңіз келсе, бізге хабарласыңыз

Өскеменде ер адам дүкендер тұрған баланы буындырған

Әлеуметтік желіде Өскемен қаласының дүкендерінің бірінде ер адамның баланы қылқындырып тұрған бейнежазбасы тарады

Усть-Каменогорск и ВКО / Өскеменде ер адам дүкендер тұрған баланы буындырған
Фото:
әлеуметтік желіден

Оқиға қаладағы "Чайка" деген дүкенінде орын алған, деп хабарлайы Устинка LIVE тілшісі ҚазАқпарат сайтына сілтеме жасап.

Қаладағы "Чайка" деген дүкенге келген ер адам балаға нақақтан-нақақ шабуыл жасады. Бұл сәт ғимараттағы видеокамераға түсіп қалған.

Ол баламды әуелі боқтап, сосын мойнынан қылқындыра жөнелді. Егер дүкендегі басқа адамдар болмаса соңы не боларын елестетудің өзі қорқынышты. Әлеуметтік желілерде кейбіреулер «бәлкім бала оны мазақтаған шығар» деп жазып жатыр. Бірақ бейнежазбада көрініп тұрғандай әлгі еркек өзі келіп шабуыл жасаған. Оның үстіне менің ұлым өте момын, әлжуаз. Қатарластарынан бойы кішкентай болғандықтан ешкіммен ерегесіп, төбелеспейді, - дейді анасы Анастасия.

Оның айтуынша, учаскелік полиция инспекторы жедел әрекет етіп, камера жазбасынан күдіктіні тауып алған. Белгілі болғандай, ер адам психодиспансерде есепте тұр. Сондықтан тәртіп сақшылары оны психо-неврологиялық диспансерге жеткізген.

Алайда келесі күні үйге балам қорқып жүгіріп келді. "Мама кешегі кісі біздің аулада жүр" деді. Шығып қарасам, рас екен. Мүмкін ол баламды аңдып, өш алайын деп жүрген шығар. Бірден учаскелік полицейге хабарластым. Ол қатты таңданып, қайтадан патрульдік сақшыларды шақырды. Сөйтіп, оны тағы да диспансерге жатқызған. Сол жақтағылар психикалық ауытқуы бар адамды қалайша босатып жібергеніне таңым бар. Прокуратураға барып арыз жаздым. Ондағылар маған «24 сағат ішінде тексеруді аяқтап, заңсыздықтар анықталған жағдайда тиісті шара қабылдаймыз» деп жауап берді, - дейді әйел.

Оның сөзінше, қазіргі уақытта күдікті диспансерде. Ал баласының мойны әлі де ауырады.

Ұлым мойнын бұра алмайды. Одан бөлек, психикалық тұрғыда соққы алды ғой. Шынымды айтсам, осыдан кейін баламды далаға шығарудан қорқатын болдым. Ешкімнің басына бермесін, - дейді анасы.

Аталған факті бойынша ШҚО Полиция департаменті тергеу жүріп жатқанын хабарлады.

Дүкенде болған бұл жағдайға қатысты тергеу амалдары жүргізіліп жатыр. Ер адам психо-неврологиялық диспансерге жеткізілді. Тиісті сараптамалар тағайындалып, соның қорытындысы бойынша процессуалдық шешім шығарылады. Өзге ақпараттарды жария етуге тыйым салынған, - дейді баспасөз қызметіндегілер.

Следующая →