Өскемен мен ШҚО Тарбағатайлықтар дүбірлі тойға қызу дайындық жасап жатыр
25 жылдан кейін аудан орталығы статусын алған Ақжар ауылында 19-20 тамыз күндері дүбірлі той өтпек
Бұл шараны "Қабанбай бабамыздың 330" жылдығына орай кең көлемде атап өтпек.
Аудан әкімдігі осыған орайұлы тойға келер қонақтардың алдында Ақжардың көркейіп, тазарып, әсем кейіпке еніп тұруы үшін тұрғындарды патриоттық танытып, аулаларынан бастап тазалық жұмыстарын жүргізуді сұрайды, деп хабарлайды Устинка LIVE тілшісі. Барлық мекеме басшылары, кәсіпкерлік нысандарының иелерін (яғни, дүкендер мен базарлар, ЖЖҚС) аббаттандыру, көгалдандыру жұмыстарын жүргізуге шақырады.
Осы орайда айта кеткен жөн, аудан әкімінің міндетін атқарушы Ерсін Кәдірбекұлының келіссөз жүргізуімен Ақжар ауылындағы орталық Қабанбай саябағындағы жүгіру жолына асфальт төселді. Алдағы уақытта футбол алаңының айналасын жағалай асфальттау жұмыстары жалғасын табатын болады.
Ендігі кезекте саябақтың ішінде орналасқан мүсіндер мен балаларға арналған ойын жабдықтарын бояу жұмыстары жүргізілуде, - деп мәлімдеді аудан әкімдігі. - Ерсін Кәдірбекұлы жұмыс барысымен танысып, алдағы уақытта футбол алаңының айналасына жарық бағаналарын орнату бойынша және саябақтың тазалығы жөнінде ауыл әкіміне тиісті тапсырмалар берді.
