Электрэнергияның тарифі өсе ме?

Абай және Шығыс Қазақстан облыстарын электрэнергиясымен қамтамасыз етіп отырған «Шығысэнерготрейд» жауапкершілігі шектеулі серіктестігі тарифтерді көтермекші.

 14 маусым күні Шығысэнерготрейд таривтерді өзгерту бойынша хабарлама шығардық. Енді міне бізде қоғамдық тыңдаулар өтті, мұнда осы өзгерістің себептері нақты айтылды, - дейді «Шығысэнерготрейд» ЖШС қаржы директоры Тимур Оразов. 

 "Шығысэнерготрейд" ЖШС электр энергиясына сараланған шекті бағалар жобасын ұсынды және ағымдағы бағаны қайта қарау үшін негіз болып табылатын бірнеше факторлар белгіленді. Олардың бірі станциялардың электр энергиясына босату бағаларын, сондай-ақ электр энергиясын беру қызметтерін арттыру болып табылады. Осыған байланысты инвестициялық бағдарламаны және Компания бойынша растайтын ақпаратты қоса бере отырып, бағаның алдағы көтерілуі туралы ақпарат дайындалды. Сондай-ақ, ШҚО бойынша Табиғи монополияларды реттеу департаментіне ұсынылды.

Біз өзіміздің сервистік қызметті жақсартып жатырмыз. Оның ішінде Ватсап мессенджері, телеграм бот, колл орталығы және сайт дамуда. Осы көздер арқылы тұтынушы өзінің жеке шоты арқылы қарызын біліп, шағым-өтініштерін білдіре алады, - деп атап өтті "Шығысэнерготрейд" ЖШС бас директоры Талғат Қайркенов. 

Қазіргі уақытта "Шығысэнерготрейд" ЖШС тарифінің шекті деңгейінің өзгеруі туралы ақпаратты Шығыс Қазақстан облысы бойынша Табиғи монополияларды реттеу департаменті қарайды. Ведомство жақын арада бұл мәселе бойынша нақты шешім қабылдайды.