Өскемен қаласында 14 жастағы бала түнде үйінен кетіп қалған

Өскемен қаласы ПБ "102" жедел арнасына түнгі сағат бірден асқан уақытта 43 жастағы жергілікті тұрғын қоңырау шалып, ол кәмелетке толмаған ұлын іздеуге көмек көрсетуді сұраған.

Әйелдің айтуынша, оның 2008 жылы туған ұлы түн ішінде онымен ұрысып, ренжіп, ешкімді ескертпестен үйден кетіп қалған. Әйел ұлын өз бетінше табуға тырысқанымен, қайда екенін біле алмаған.

Кәмелетке толмағанның тұрған жерін анықтау мақсатында дабыл бойынша жедел-іздестіру тобы, сондай-ақ Ертіс ПБ барлық жеке құрамы дереу жиналды.

Тәртіп сақшылары қандай да бір ақпаратты бере алатын таныстары мен достарынан сұрастырып, іргелес жатқан аумақтарды: саябақтарды, жастар жиналатын орындарды, дәмханаларды, тұрғын үйлердің кіреберістерін мұқият аралап шыққан.

Қабылданған шаралардың нәтижесінде Ертіс ПБ қызметкерлері жоғалған баланы көпқабатты тұрғын үйлердің бірінің алдынан тапқан. Қазіргі уақытта оның өмірі мен денсаулығына қауіп төніп тұрған жоқ, ол үйге жеткізілді, - деп түсіндірді Өскемен қалалық полиция басқармасының бастығы Андрей Мула. - Табылған баланың анасы құқық қорғау органдарына кәмелетке толмаған ұлын іздеуге көмектескені үшін үлкен алғыс білдіреді.

Кәмелетке толмағандардың жоғалу жағдайларының жиілеуіне байланысты Өскемен қаласы Полиция басқармасының қызметкерлері ата-аналар мен ересектерге кәмелетке толмағандармен осындай фактілердің алдын алуға бағытталған шұғыл алдын алу жұмыстарын жүргізу туралы жүгінеді. Егер сіздің балаларыңызға қонаққа олардың кәмелетке толмаған таныстары, достары, сыныптастары келсе, осы фактілер туралы олардың заңды өкілдеріне дереу хабарлау керек.

Өскемен қалалық ПБ ювеналды полиция қызметкерлері ата-аналарды өз балаларына бақылауды және жауапкершілікті күшейту, қауіпсіздікті қамтамасыз ету шараларын арттыру қажеттілігі туралы қатаң ескертеді, сондай-ақ ата-аналарды балаларды қараусыз қалдырмауға және мұқият болуға шақырады.