Өскемен мен ШҚО Ашық есік күніне келген 1 адамнан қатерлі ісік, 8 ісік алды жағдайы анықталды
Өткен сенбіде ШҚО Көпсалалы онкология және хирургия орталығында кезекті ашық есік күні өтті
Аталмыш шара ағымдағы жылы мамыр айын қамтып отырған қуық, тері, өкпе қатерлі ісігінің алдын алу, ерте анықтау бағытындағы айлық аясында өткізіліп отыр.
Бұл күні облыс жүртшылығы учаскелік дәрігердің жолдамасынсыз әрі тегін онкоорталықтың хирург, гинеколог, уролог мамандарынан қажетті кеңес алып, кей жағдайларда қосымша тексерулерге жолданды.
Бас-аяғы осы Ашық есік күніне 100-ге жуық адам келіп, өз денсаулықтарын қажетті тексерулермен қамтамасыз етті. Олардың ішінде 1 адамнан қатерлі ісік, 8 ісік алды жағдайы және басқа да 32 түрлі нозологиялар анықталды.
15 адам УДЗ, 23 адамға цитологиялық зерттеулер жасалды.
Дәрігерлер шығысқазақстандықтарды өз денсаулықтарын асқан жауапкершілікпен қарауға және дер кезінде қажетті тексерулерден өтіп тұруға шақырады.