Өскемен мен ШҚО Өскеменде көктемгі тал егу жұмыстары қарқынды
"Таза Өскемен" коммуналдық кәсіпорын мамандары ағайынды Абдуллиндер атындағы өнер колледжіне қарама-қарсы 30-шы Гвардиялық дивизия көшесі бойына 60 түп қарағай отырғызды
Одан өзге, Астана көшесі бойына боз арша мен ірі қылқанды шыршалар отырғызылуда.
Өскеменді көгалдандыру бойынша жұмыстар жалғаса бермек. Коммуналдық кәсіпорын қызметкерлері көшеттер отырғызу үшін қосымша аумақтар қарастыруда.
Қазір орташа жөндеу жұмыстары жүріп жатқан көшелерге де ағаштар отырғызылады, - деп атап өтті Өскемен қаласының әкімі Жақсылық Омар. - Қаламызды абаттандыруға қосып отырған үлестері үшін коммуналдық кәсіпорын мамандарына алғыс білдіремін. Жалпы қалалық сенбілікке қатысқан тұрғындар, кәсіпорындардың қызметкерлері, еріктілер мен белсенділерге тағы да рахмет айтамын.
