Өскеменде жастарды қолдау кеңесінің кезекті отырысы өтті

Отырысқа кеңес мүшелері мен ШҚО жұмыспен қамтуды үйлестіру және әлеуметтік бағдарламалар басқармасы басшысының орынбасары Қайрғазинов Досхан Қайрғазыұлы шақырылды.

Күн тәртібінде 2 мәселе қаралды: жастарды жұмысқа орналастыру үшін жағдай жасау туралы (Мемлекеттік бағдарламалар: «Еңбек», «Жастар практикасы», «Алғашқы жұмыс орны» және т.б.) және жастар арасындағы жұмыссыздық деңгейін төмендетуді қамтамасыз ету.

2022 жылғы жағдай бойынша ұлттық жобаны іске асыру шеңберінде Жұмыспен қамту органдарына 1 847 жас жүгінді, оның ішінде 1 288 адам (жүгінгендердің 70%) жұмысқа орналастырылды, оның ішінде тұрақты жұмыс орнына – 678 (жұмысқа орналасқандардың 53%), субсидияланатын жұмыс орындарына - 610 адам (жұмысқа орналасқандардың 47%). Сонымен қатар, 2022 жылы «Субсидияланатын жұмыс орындарын ұйымдастыру арқылы кәсіпкерлерді қолдау» бағыты бойынша ұлттық жобаны іске асыру шеңберінде жастар практикасына – 714 адам, «Алғашқы жұмыс орны» жобасы – 132 адам жұмысқа орналастырылатын болады, - деді Досхан Қайрғазыұлы.

Отырыс барысында басқарма басшысының орынбасарына кеңес мүшелері жастардың жағдайын жақсартатын, көкейлерінде жүрген ұсыныстарын айтып, сұрақ-жауап алмасты.

Жастар арасындағы мәселелерді шешу бойынша кеңес мүшелерінің ұсынысымен алдағы уақытта кезектен тыс жастарды қолдау кеңесіңің отырысы өткізілетін болады.