Оразаға қатысты сұрақтарға жауап Ramazan Live-та

Аталмыш жобадан қалалар мен аудандар бойынша намаз және ораза кестесі, ауыз ашу және бекіту дұғаларынан бөлек, садақа жайлы, Рамазан айында жиі қойылатын сұрақтарға жауап табуға болады. ««Ramazan Live» Telegram-боты халықтың жедел түрде ақпарат табуына және сұрақтарына нақты жауап алуына үлкен мүмкіндік береді.

Қазақстан мұсылмандары діни басқармасына қарасты «Муфтият» баспасынан Рамазанға байланысты, «Оразаға қатысты 200 сұрақ» кітаптары шығарылып жатыр. Дегенмен, кітапты барлығы оқи бермейді. Ал ұялы телефон үнемі қолында болғандықтан кез келген уақытта осы боттан оразаға қатысты толғандырған сұрақтарына жауап алады, - дейді Ермек қажы Мұқатай.

Алдағы уақытта бұл жобаны дамыту да жоспарланып отырған көрінеді. Бас имамның айтуынша, Рамазан айы аяқталғаннан кейін де бұл боттан күнделікті өмірде кездесетін дінге қатысты сұрақтарды қамтып, барлығына бірдей жауап ала алатындай кеңейтілмек.