Ақжардағы ауылдық ауруханада ақылы палата ашылды

Ақжар ауылындағы №2 аурухананың бас ғимаратында сервистік ақылы палата ашылды. Ақылы бөлме 4 қабатты ғимараттың 4-ші қабатында орналасқан. Науқастардың қолайлы емделуі үшін 2 орынды стандартты 1 палата бар. Олар тазалық торабымен, теледидар, тоңазытқыш, микротолқынды пеш, шкаф, үстел-орындықтармен жабдықталған.

Ақылы бөлімшенің басты мақсаты - ауруханаға келген әрбір науқасқа сапалы әрі білікті мамандандарылған және заманауи технологиялар арқылы қызмет көрсету. Науқастар стационарға тәулік бойы қабылданады.

Ауыл тұрғындарының ішінен де ақылы палатада жеке жатып ем алғысы келетін адамдар көп екендігін ескере отырып, сұранысқа ұсыныс дегендей, бұған дейін қаңырап бос тұрған 4-ші қабатты жылдың басынан жөндеп, ашып отырмыз, - дейді аурухананың эпидемиолог дәрігері Гулжанар Кожарияқызы.

Нарықтың сынағынан сүрінбей өтіп, аурухананың қалыптасуына бас дәрігердің сіңірген еңбегі ерекше екенін атап өткен жөн. Талмай ізденетін басшы өзгелерден де соны талап етеді. Ауруханадағы дәрігерлердің басым бөлігі жоғары және бірінші санатты.