Өскемен мен ШҚО "ARU"-IT" мектебі алғашқы сабағын бастады
Өскемендегі Оралхан Бөкей атындағы қалалық кітапханада бойжеткендер мен қыз балалар арналған "ARU"-IT" мектебі ашылды
IT - саласына қызығушылық танытқан арулар алғашқы сабақтарын да бастап кетті.
"ARU"-IT" мектебі сізге 3D-үлгілеу, 3D Home Design - интерьер-локацияны үлгілеу, digital fashion (сандық киім үлгілері) және VR-қосымша жасауды тегін үйретеді. Оған 12-17 жас аралығындағы бойжеткендер мен қыз балалар қабылданды.
Айта кетейік, бұл жоба Евразия қоры жүзеге асыратын АҚШ халықаралық даму агенттігі (USAID) қаржыландыратын ОрталықАзиядағы Әлеуметтік Инновациялар бағдарламасының демеушілігімен жасалды.
Бұл жоба біз үшін үлкен қолдау болды. Сабақтан тыс уақытта қосымша білім алуымызға таптырмас мүмкіндік жаратқан кітапханаға алғысымыз шексіз. Жоба арқылы жаңа технологияларды меңгеріп, білімімді тереңдетімін. "ARU"-IT" мектебін бітіргеннен кейін арнайы сертификат алып шығамыз, - дейді колледж студенті Воротникова Мария.