Өскемен мен ШҚО Глубокое ауданының бұрынғы әкімі енді "Ертіс"ӘКК басқарады
Өткен жылдың қараша айында Глубокое ауданының әкімі Тамара Рахымжанова қарамағындағы қызметкер пара алғаны үшін орнынан кеткен еді
Шығыс Қазақстан облысы Глубокое ауданының бұрынғы әкімі Тамара Рахымжанованың қай қызметке келгені белгілі болды, деп хабарлайды сайт Tengrinews.kz.
Менің орынбасарларымның бірі сыбайлас жемқорлық қылмысы үшін сотталды. "Қазақстан Республикасының мемлекеттік қызметі туралы" ҚР Заңының 60-бабына сәйкес, егер тағайындалған күннен бастап үш ай өткен соң тікелей бағыныстылары сыбайлас жемқорлық қылмыс жасаған жағдайда аудан әкімі қызметінен кетеді, - деп жазды Тамара Рахымжанова өзінің Instagram-дағы парақшасында.
Айта кету керек, Тамара Рахымжанова бірнеше ай ғана қызметте болған. Бұған дейін ол Өскемен қаласы әкімінің орынбасары қызметін атқарған.
Тамара Рахымжанова 1978 жылы Өскемен қаласында дүниеге келген. 2006 жылы Алматы Экономика және статистика академиясын "персоналды басқару" мамандығы бойынша аяқтады.
2014-2016 жылдары "Өскемен-тазалық" ЖШС директоры, 2016-2019 жылдары "Өскемен - тәртіп" КМК директоры болып жұмыс істеді.
2018 жылы Қазақстан инновациялық университетін "Құқықтану" мамандығы бойынша бітірген.
