ШҚО-да тәртіп сақшылары бір топ бопсалаушыларды ұстады

Қаңтар айының соңында Өскемен қаласы ІІБ Үлбі бөлімінің жедел арнасы Устинка LIVE редакциясына облыс орталығының 23 жастағы тұрғынынан өтініш түскенін хабарлайды.

Ер адам түскі ас кезінде өзіне бейтаныс үш жігіт күш көрсетеміз деп қорқытып, 30 000 теңге бопсалағанын айтты. Содан кейін жәбірленушінің қорқынышын пайдаланып, оның атына шамамен 230 000 теңге тұратын смартфонға тауарлық несие рәсімдеген.

- Жедел-іздестіру іс-шаралары барысында бейнебақылау камераларының көмегімен патрульдік полиция жасағы криминалдық полиция қызметкерлерімен бірлесе отырып, күдіктілерді анықтап, ұстады. Олар жауап алу кезінде кінәсін мойындаған 22, 21 және 19 жастағы жергілікті тұрғындар болып шықты, - деп хабарлады ШҚО ПД.

Бүгінгі күні қылмыскерлер уақытша ұстау изоляторында отыр. Аталған факті бойынша сотқа дейінгі тергеу амалдары басталды. Қазақстан Республикасының Қылмыстық кодексінің 194 бабы 2-бөлігі «Бопсалау» санкциясы үш жылдан жеті жылға дейін бас бостандығынан айыруды қарастырады.