Өскемен мен ШҚО В ВКО стражи порядка обнаружили человека с двойным гражданством
Ер адам нотариусқа ҚР азаматының жеке куәлігін көрсеткен, бірақ өзі 10 жылдан бері ел азаматы емес
Облыстың көші-қон қызметінің қызметкерлері қос азаматтық фактілерін анықтау бойынша жұмыстарды жалғастыруда, деп хабарлайды Устинка LIVE тілшісі.
Ақпан айының басында Бородулиха ауданында 67 жастағы ер адам анықталды. Ол 2012 жылы Алтай өлкесінде Ресей Федерациясы азаматының паспортын алған. Алайда осы күнге дейін ҚР азаматтығы құжаттарын пайдаланып келген, - деп хабарлады ШҚО ПД.
Белгілі болғандай, ер адам жылжымайтын мүлікті сатуды ресімдеу үшін Бородулиха ауданының нотариусына жүгінген. Бұл ретте 10 жылға жуық көрші елдің азаматы болып табылса да Қазақстан Республикасы азаматының жеке куәлігін көрсеткен.
Қазақстандық құжаттарды пайдаланғаны үшін құқық бұзушы ҚР ӘҚБтК-ның 496-бабы 1-бөлігі бойынша 100 АЕК айыппұл түрінде әкімшілік жауапкершілікке тартылды. Шетелдіктен Қазақстан Республикасы азаматының жеке куәлігі мен паспорты алынды, сондай-ақ ҚР азаматтығынан айырылу тіркелді, - деді Көші-қон қызметі басқармасының бастығы Ербол Бекпаев.
ПД көші-қон қызметі басқа елдің азаматтығын алған жағдайда Қазақстан Республикасының азаматтығын жоғалтуды уақтылы тіркеу қажет екенін ескертеді.
