Өскемен мен ШҚО Ашық есік күні онкология орталығына 250-ден астам адам келді
Кеше таңғы сағат 9-дан бастап облыстық көпсалалы онкология және хирургия орталығының мамандары 250-ден астам адамды қабылдап, 80-нен артық диагностикалық шаралар жүргізді
Нәтижесінде 3 обырдың күдікті жағдайы, 25 ісіктің болжамды жағдайы және 83 басқа да аурулар тіркелді.
Айта кету керек, шараға облыс орталығынан басқа, шалғай жатқан аудан-қалалардан да келгендер аз емес. Оның үстіне бұл акция барысында емхана дәрігерінің жолдамасы қажет емес еді.
Мәселен, 74 жастағы Тагир Шамсутдинов баласын Семей қаласынан алып келіпті.
Хабарландыруды көріп, осы күні келеміз деп жоспарладық. Біз осы орталықтың мықты маманы Әділбек Баймұсанов жайлы көп естігенбіз. Сол маманға арнайы келіп отырмыз. Әкем жас емес, сондықтан біз оның денсаулығына алаңдаймыз. Осындай тексерулер өте қажет, - деді ол.
