Өскемен қаласының әкімі жатақхана тұрғындарына көмектесуге уәде берді

Еске сала кетейік, 14 маусымда 17.30-да екі қабатты жатақхана ғимаратының баспалдақ саңылауының төбесі опырылып құлады. 50-ге жуық тұрғын үйсіз  қалды, деп хабарлайды Устинка LIVE тілшісі.

Бүгін қала әкімі жатақхана тұрғындарымен жеке кездесіп, шатырын жөндеуге көмектесеміз деп уәде етті. Жақсылық Омардың айтуынша, қазірдің өзінде арнайы комиссия құрылған.  Бүгінгі күннің соңында комиссия мүшелері қорытынды шығарады.

- Бюджет кодексіне сәйкес, біз мемлекет ақшасын жеке үйлерге жұмсай алмаймыз, - деді Жақсылық Омар үй тұрғындарымен кездесуде.  - Бірақ біз сіздерді қиын жағдайда қалдырмаймыз. Қазірдің өзінде  шамамен екі миллион теңге қаражат және тәжірибесі бар мердігерді таптық. Мердігер бүгіннен бастап жұмысқа кіріседі.

Облыс орталығының әкімі тұрғындарды мәселе  алдағы 20 күн ішінде шешілетініне,   бұл мәселеге алаңдамай, өз бетімен қаражат іздеудің қажеті жоқ деп сендірді. Жөндеу құны 10 миллион теңгені құрайды деп күтілуде.