ШҚО бөлімдерінің бірінде келісімшарт бойынша әскери қызметші өз-өзіне оқ атты

Қайғылы оқиға өткен сенбіде 3477 әскери бөлімінде орын алды, деп хабарлайды Устинка LIVE тілшісі. Келісімшарт бойынша қызмет еткен  жас жігіт өз-өзіне қол жұмсады.

- Посттағы 3477 әскери бөлімінің келісімшарт бойынша әскери қызметшісі өзіне бекітілген қарудан басына оқ атып, нәтижесінде көз жұмды, - деп хабарлады ҚР Ұлттық Ұланы "Шығыс" өңірлік қолбасшылығының баспасөз қызметі.

"Шығыс" өңірлік қолбасшылығының баспасөз қызметі хабарлағандай, оқиға бойынша қылмыстық іс қозғалды, қазір тәртіп сақшылары тергеу шараларын жүргізуде, қызметтік тергеу жүргізілуде. Бүгінгі таңда қайғылы оқиғаның себептері мен мән-жайлары анықталуда.