Қазақстандықтарға екпе туралы қағаз анықтама маусымнан бастап беріледі

Қазақстанның Бас мемлекеттік санитарлық дәрігері Ерлан Қиясов қаулыға қол қойды, оған сәйкес вакцинацияланған азаматтар 1 маусымнан бастап вакцинациялау туралы анықтаманы ала алады.

- КВИ-ға қарсы вакцинация жүргізуге тартылған медициналық ұйымдар Қазақстан Республикасының азаматтарына осы әдістемелік ұсынымдарға 5-қосымшаға сәйкес нысан бойынша 2021 жылғы 1 маусымнан бастап Қазақстан Республикасында жүргізілген КВИ-ға қарсы вакцинация туралы анықтама береді, - делінген қаулыда.

Вакцинациялау туралы қағаз анықтаманы 1 маусымнан бастап Қазақстанда егілген шетелдік азаматтар да ала алады.

Бұдан басқа, медициналық ұйымдар 1 шілдеден бастап "Вакцинация" модуліне растайтын құжаттарды ұсынған кезде шетелде вакцина алған Қазақстан азаматтарының КВИ-ға қарсы вакцинациясы туралы мәліметтерді енгізетін болады.