ШҚО аудандарының бірінде жаңа фабрика құрылысы аяқталады

ҚР Премьер-министрі Асқар Мамин ШҚО-ға жұмыс сапары барысында жаңа фабриканың салыну барысымен танысты, деп хабарлайды Устинка LIVE тілшісі.

Сульфидті кенді өңдейтін Ақтоғай II байыту фабрикасы - "KAZ Minerals Aktogay" ЖШС компаниясын кеңейту жобасының бір бөлігі. Үкімет басшысының баспасөз қызметі хабарлағандай, кәсіпорында мың жаңа жұмыс орны ашылады, оның құрылысына инвестиция көлемі 510 миллиард теңгеден асады.

- Жобаны іске асыру жақын жылдары кәсіпорын өндіретін мыс көлемін жылына 125 мың тоннадан 200 мың тоннаға дейін арттыруға және кенішті әлемдегі ең ірі кен орындарының қатарына шығаруға мүмкіндік береді, - деп түсіндірді ҚР Премьер-Министрінің баспасөз қызметі. - Ақтоғай кен орнында оксидті кендерді қайта өңдеу кешені жұмыс істейді, онда 2024 жылға дейін жыл сайын 20 мың тонна катодты мыс өндіруді қамтамасыз ету жоспарлануда.

Министрлер кабинеті басшысының баспасөз қызметінің мәліметінше, осы жылдың төрт айының қорытындысы бойынша ШҚО-да өнеркәсіп өндірісінің көлемі 2020 жылдың сәйкес кезеңімен салыстырғанда 7%-ға өсіп, 860 миллиард теңгеден асты.