ҚР Премьер-Министрі ШҚО-да жол құрылысының қарқынын арттыруды тапсырды

Бұл ретте республика үкіметінің басшысы құрылыс жұмыстарының сапасын қамтамасыз етудің маңыздылығын атап өтті

Жақында ШҚО-ға сапары кезінде Асқар Мамин Аягөз қаласына барып, онда өңірдегі автомобиль жолдарын реконструкциялау барысы туралы баяндалды, деп хабарлайды Устинка LIVE тілшісі.

- Шығыс Қазақстан және Алматы облыстарының жолдарындағы құрылыс жұмыстарының қарқынын арттыру қажет, - деді сапар барысында ҚР Премьер-Министрі. - Бұл ретте құрылатын көлік инфрақұрылымының сапасын және уақтылы пайдалануға берілуін қамтамасыз етудің маңызы зор.

Министрлер кабинеті басшысының баспасөз қызметінің мәліметінше, қазір облыста ұзындығы 768 шақырым Талдықорған - Өскемен, ұзындығы 415 шақырым Қалбатау - Майқапшағай және ұзындығы 180 шақырым Үшарал - Достық жолдары қайта жаңғыртылуда.

Тақырыптар: Премьер-Министр РК Аскар Мамин Строительство дорог в ВКО Реконструкция автомобильных трасс