Риддерліктерге мобильді ХҚКО көмектесуде

Лесхоз кентінің тұрғындарына қажетті электрондық анықтамаларды беріп, құжаттарды қалпына келтіруге өтініштерді қабылдайды. Қажет болған жағдайда мамандар көші-қон қызметіне және басқа да мемлекеттік органдарға шығады, деп хабарлайды Устинка LIVE тілшісі.  

- Біздің қызметкерлер оқиға орнына барып, кеңес беру және түсіндіру жұмыстарын жүргізуде. Риддер тұрғындарына құжаттарды жедел түрде алуға көмектесеміз. Жылжымайтын мүлікке, жерге қатысты барлық құжаттар, жеке басты куәландыратын құжаттар тегін ресімделеді, – деді Мемлекеттік корпорацияның басқарма төрағасы Әділ Қожихов.

Бүгінгі күні зардап шеккендердің кейбірі құжаттардың  көшірме нұсқаларын алған.  Мамандар риддерліктерге көмектесуді жалғастыруда.