ШҚО тұрғындарын жаһандық жарықты бір сағатқа сөндіру акциясына қосылуға шақырады

Жер сағаты  бұл жыл сайын Дүниежүзілік жабайы табиғат қоры ұйымдастыратын шара, деп хабарлайды Устинка LIVE тілшісі.

Акцияға Дүние жүзіндегі адамдар әлемнің болашағы үшін алаңдау белгісі ретінде қосылуда.

- 180-нен астам елде  миллиондаған адамдар бір сағат ішінде жарық пен электр құрылғыларын өшіреді. Эйфель мұнарасы, Биг-Бен, Колизей және басқалары сияқты әлемнің мыңдаған архитектуралық ескерткіштері өздерінің жарықтарын сөндіреді,- дейді ұйымдастырушылар.

Қазақстан Жер сағатына ресми түрде 2009 жылы қосылды. Елордада негізгі көрікті жерлер, оның ішінде Бәйтерек, әдетте, бір сағатқа сөндіріледі.

- Біз сізді тұрғын үй-жайлардағы, теледидарлардағы жарықтандырғыш құрылғыларды, адамдардың қауіпсіздігіне әсер етпейтін сыртқы жарықтандырғыштарды, осы уақытқа арналған неон жарнамалық белгілерді өшіруге шақырамыз, - дейді ШҚО Денсаулық сақтау және экологияға көмек көрсету қауымдастығының өкілі Татьяна Чернышева. - Акцияны қолдап, жарықты өшіріңіз!

Шығысқазақстандықтар бұл  флешмобқа 27 наурызда сағат 20.30-дан 21.30-ға дейін қосыла алады.