Қазақстанда 107 мыңнан астам адам Sputnik V вакцинасының алғашқы дозасын алды

1 ақпанда Қазақстанда ресейлік Sputnik V вакцинасымен халықты коронавирусқа қарсы кезең-кезеңімен вакцинациялау басталып, ал 23 ақпаннан бастап вакцинация процесіне Қарағандыда шығарылған препарат қосылды

Қазақстанда 107 мың 341 адам ресейлік Sputnik V вакцинасының бірінші компонентімен вакцинацияланды, деп хабарлады республиканың Денсаулық сақтау министрлігі.

- 25 наурыздағы жағдай бойынша вакцина алғандардың саны: бірінші компонент 107 мың 341 адам, екінші компонент 20 мың 504 адам, - делінген министрліктің бейсенбіде таратқан ақпаратында.

Өткен аптада ҚР Денсаулық сақтау министрі Алексей Цой сәуір айында 1 миллионнан астам қазақстандыққа вакцина егу жоспарланып отырғанын мәлімдеді.

1 ақпанда Қазақстанда ресейлік Sputnik V вакцинасымен халықты коронавирусқа қарсы кезең-кезеңімен вакцинациялау басталды. 23 ақпаннан бастап вакцинация процесіне Қарағандыда шығарылған препарат қосылды. Сәуір айының соңында вакцинацияны отандық вакцинамен бастау жоспарланып отыр.

Тақырыптар: Министерство здравоохранения РК Вакцинация от коронавируса Вакцина "Спутник V" Коронавирус в Казахстане