Биыл Өскеменде 18 жеделсаты жөнделеді

"Ескі" қаланың көпқабатты үйлеріндегі лифт мәселесі бұрынғы Үлбі ауданының тұрғындарын қатты алаңдатады, деп хабарлайды Устинка LIVE тілшісі.

Бұл туралы  тұрғындар әкімге онлайн өткен есеп беру кездесуінде айтты.  

- Мысалы, Гагарин бульварындағы 36 үйде лифт мүлдем жұмыс жасамайды, - деді Оксана Юркина Өскемен әкіміне. - Бұл көп қабатты үйде кем дегенде үш мүгедек тұрады. Карбышева көшесі, 52 үйдегі лифт те жұмыс істемейді. Биыл бұл мәселені шешуге мүмкіндік бар ма?

Жақсылық Омар қаладағы лифт қондырғыларын жаңартудың ұзақ мерзімді бағдарламасы жасалғанын атап өтті.

 - Қазір  18 лифтіні жөндеуге арналған жобалық-сметалық құжаттарды әзірлеп қойдық, - деп Өскемен қаласының әкімі қала тұрғынының сұрағына жауап берді. - Бұл дегеніміз, олар биыл жөндеуден өтеді. Қаражат қарастырылған. Жөндеуден өтетін лифттер тізімінде Карбышев пен Гагарин бойындағы көтергіштердің бар екенін нақты айта алмаймын. Бірақ  сіздің сұрағыңызды өз бақылауымызға алып,  осы бағытта не істеуге болатынын ойластырамыз.