Аягөз ауданында екі тұрғын үй бой көтереді

"Нұрлы жер" мемлекеттік бағдарламасы арқылы жүзеге асатын құрылыс 2021 жылдың қаңтар айында бастау алып, жыл соңында аяқталады деп жоспарлануда.

- Биыл Аягөз қаласында 5 қабатты 60 пәтерлі екі тұрғын үй салынатын болады. Құрылыс жүргізілетін екі үйдің біреуі жалдамалы, екіншісі несиеге беріледі. Барлығы -120 пәтерлі тұрғын үйдің ішінде 1 бөлмелі - 30, 2 бөлмелі - 60, 3 бөлмелі - 30 пәтер болады, - деп мәлімдеді облыс әкімдігі.

Айта кетейік, Аягөз ауданы бойынша бүгінде 1200 адам баспана кезегінде тұр. 2020 жылы 140 отбасы баспанамен қамтамасыз етілген.