Мемлекет қолдауы мықты

Кездесу барысында үміткер партияның сайлауалды бағдарламасымен және алдағы уақытта атқарылатын жұмыс жос-парымен таныстырды. Ол - аудан тұрғындарына әлеуметтік қолдау көрсету, шағын және орта бизнесті дамыту, агроөнеркәсіп кешенін ілгерілету.

- Абай ауданы облыс бойынша ауылшаруашылық саласы тұрақты дамыған өңір. Жыл сайынғы өнім көрсеткіші де артып келеді. Мемлекет тарапынан бөлініп отырған жеңілдетілген несие түрлері мен субсидия мал шаруашылығын дамытуды жаңа арнаға қойып отыр. Асыл тұқымды мал саны артып, импортқа да шығарылып келеді. Аудан экономикасының тұрақты дамуы үшін ауылшаруашылық өнімдерін қайта өңдейтін кәсіпорындар санын арттырып, мал басын көбейту қажет. Осы мақсатта Nur Otan партиясы арнайы бағдарлама әзірлеп, оны іске асырудың барлық инструменттерін қарастыратын болады, - деді кандидат.

Партияның жоспарына сәйкес, Абай ауданында алдағы уақытта мемлекеттік қолдау бағдарламалары аясында несиелік серіктестіктер саны артатын болады. Кездесуге жиналған ауылшаруашылық саласының өкілдері бірқатар сауалдарын жолдап, үкімет тарапынан қаралуына өтініш білдірді. 
Nur Otan партиясы Шығыс Қазақстан облысы cайлау қорының қаражатынан төленді