ШҚО Тарбағатай ауылында су тасқынана дайындық жұмыстары жасалды

Жұмысты ауыл әкімдігі мен төтенше жағдай қызметкерлері бірлесіп атқарып жатыр.
Қабанбай ауылдық округіндегі Сарқамыс тоғамы мен Қаратоғам маңында профилактикалық шаралар жасалған. Тұғыл ауылында «ПМК-Құрылыс» мекемесі техникаларының көмегімен ауыл ішіндегі бірнеше көпір мен қоқыс полигонына баратын үш шақырым жол бойындағы көпірлер ауыстырылып, жөндеу жұмыстары жүргізілді.
Құйған, Жамбыл, Жалаңаш ауылдарындағы барлық тоғам мен арықтардың көмейлері толығымен жабылды. Кішігірім көпірлер мен  суағарлар салынды. Өзен арналары тазаланып, дамбалар биіктетіліп мықталды.

- Қарғыба ауылының оңтүстік-батыс жағындағы шіліктен аққан су елді мекенге көктем уақытында қауіп төндіруі мүмкін. Сондықтан, аудан әкімінің тапсырмасына сәйкес, көктемгі су тасқыны мен қызыл судың алдын алу жұмыстары атқарылуда, - деп жазды аудан әкімдігі өзінің ресми парақшасында.