ШҚО-да Самар ауылының мешіті жинаған өнімдерді үлестірді

Самар ауылында Самар ауылдық мешіттің ұйымдастыруымен ауыл тұрғындарына арналған қайырымдылық іс-шарасы әлі де жалғасып жатыр

Әрбір көмекті үлкен сауапқа санаған орталық мешіттің бас имамы Бекболат Калебай қажы мен мешіт қызметкерлері көктемде мешіттің аумағына көкөніс отырғызған.
Күзде олар өнімдерін жинап, ауылдағы аз қамтылған отбасыларға үлестіріп берді.
Мешіт қызметкерлері бұған дейін де игі іске бастамашы болып, тұрғындарға қол ұшын берген болатын.

- Біз жыл сайын мешіт аумағына көкөніс егіп, оны күзде тұрмысы төмен отбасыларға бөліп береміз. Адам жанына қуаныш сыйлайтын, көңілге демеу беретін шапағатты істер істеуге тырысамыз, - дейді Самар ауылдық орталық мешіттің бас имамы Бекболат Калебай қажы.

Тақырыптар: мешіттің аумағына көкөніс отырғызған