Облыс орталығында жаңбыр суы ағатын құбырларды жөндеп жатыр

"Таза Өскемен" КМК ақпаратына сүйенсек, нөсер суы ағатын кәрез жүйесін жөндеу, жаңарту, ауыстыру жұмыстары осыдан бірнеше ай бұрын басталған

Тоқтаусыз жауыннан кейін қала көшелерінің көлге айналатынын алдыңғы санымызда жазғанбыз. Мәселе кәрез жүйелерінің бітеліп, нөсер суы құбырға кетпей көшеге жайылып, салдарынан көлік кептелісі мен жаяу жүргіншілерге қолайсыздық тудырғанында болып отыр, деп ақпарлайды Устинка LIVE тілшісі.

Мамандар жөндеу жұмыстарын ертерек бастағаны мәлім болып отыр. Назарбаев, Алматы, Гоголь, Металлург, Белинский, Ғарышкерлер, Потанин, Михаэлис, 30 гв.дивизия көшелеріндегі арықтар ауыстырылып жөнделген.

- Алматы көшесінің бойы мен Назарбаев көшесіне шығатын тұсқа үнемі суц жиналып, көлшікке айналып қалатын. 270 миллиметрлік жаңа құбыр салдық, - дейді "Таза Өскемен" КМК мастері.

Сондай-ақ, Карбышев, Назарбаев, Протазанов,Косарев көшелерінде де орталық кәріз жүйесін жаңартты.

Тақырыптар: Ремонт ливневых канализаций в Усть-Каменогорске КГП на ПХВ "Таза Оскемен" Лужи в Усть-Каменогорске