Абай мешітінің жанындағы аумақты абаттандыру жұмыстары аяқталуға жақын

Жұмыс маусым айында басталған болатын. Бұл Түркістан облысының Абай мерейтойына жасаған тартуы. Мердігер - "Mega road" ЖШС. Түркістан облысы мешіт айналасын абаттандыруға 681 млн теңге бөлген. 

- Мұнда 18 мың ш.м. асфальт, 8 мың ш.м. төсемтас, 200 шам, трансформатор орнатылды. Сонымен бірге, мұнда енді 800 ш.м. балалар және спорт алаңдары бар. Бүгінде жұмыс 90%-ға аяқталды. Кейбір жерлерде төсемтас төсеу, жедел жәрдемге арналған пандус және мүгедектерге арналған электр пандусын орнату қалды. Оған қоса мұнда 500 көлікке арналған тұрақ болады. 300 түп шырша отырғызылды. Тағы 100 түп шырша отырғызамыз. Жалпы, жұмыс аяқталды деп айтуға болады, - дейді учаске бастығы Ержан Жәңгірханов.

Айта кетейік, 8 қазанда Түркістаннан комиссия келіп, нысанды қабылдайды. Тапсыру мерзімі 15 қазанға жоспарланған.