Шығыс Қазақстанда қазан айы қандай болады?

Жауын-шашын нормаға сай, ауа темпераурасы да қалыпты болады. 

Қазанның басы күншуақты күндермен басталады. Термометр бағаны күндіз +10-15оС, түнде - 0, кейде -1-2оС градусты көрсетеді. Ал бірінші онкүндіктің ортасында қазанның алғашқы жаңбыры жауып өтеді. Ауа температурасы бұл күндері +5-8оС дейін төмендейді. 9 қазан күні күн күркірейді және алғашқы қар күтіледі. Күн айтарлықтай суытады, күндіз +2-0оС, түнде -3-6оС.

Синоптиктердің болжауынша, екінші онкүндік жауын-шашынмен басталады. Жауын жауып, аздаған қар болуы мүмкін. Термометр бағаны нөлдің айналасында тұрақтайды. Онкүндік соңында күн жылынады, күндіз +3-5оС, қардың арты жауынға ұласады.

Соңғы декаданың басы жайма-шуақ күндерімен қуантса, артынша жауын-шашын, қарға ұласады. Ауа температурасы күндіз +2-3оС, түнде  -2-4оС көрсетеді.