ШҚО-ның үш ауылына жоғары жылдамдықты Интернет қосылды

Ауылдық жерлерді кең жолақты ғаламтормен қамтамасыз етуді 2018 жылдан бері  "Цифрлы Қазақстан" бағдарламасы бойынша  "Транстелеком" АҚ қолға алған.

- Ауылдық орындардағы жеке тұлғаларды ғаламтормен қамтамасыз етудің маңызы зор, - деп атап өтті  "Осементранстелеком" филиалының басқарушы директоры Ғазиз Бердібаев. - Ғаламторға қолжетімділік, цифрлық қызметер әлеуметтік теңсіздікті жойып, кішкентай ауылдардағы өмірді заманауи әрі жайлы ете түспек. Бұл әсіресе қазір, балалар қашықтан оқып жатқан уақытта маңызды. Біз 250-ден астам адам тұратын ШҚО ауылдарына оптикалық-талшықты желілер тартып жатырмыз. 

Биыл Ұлан ауданындағы  Ново-Троицкое ауылы, Огневка кенті мен Глубокое ауданындағы Алтай кентінің тұрғындары кең жолақты интернеттің қызығын көре бастаған. 2021 жылдың күзіне дейін келесі ауылдарға тартылады деп жоспарлануда: Глубокое ауданындағы  Винное,  Тарханка,  Ушаново, Степное,  Бобровка, Верхнеберезовский, Перевальное ауылдарына; Өскемендегі Солнечное кенті; Шемоаниха ауданындағы  Рулиха ауылы; Риддердегі  Пригородное кенті, Алтай ауданындағы Зубовка, Прибрежный, Тұргысын, Малеевск, Октябрь, Первороссийское және Парыгино ауылдары.