Адам өлімі көп тіркелген өңір - ШҚО

ҚР ҰЭМ Статистика комитеті осындай ақпарат ұсынып отыр. Жалпы, елімізде өткен жылмен салыстырғанда адам өлімі 2,5 пайызға азайыпты.

- 2020 жылдың бірінші жартыжылдығында елімізде 65 мың адам қайтыс болған, - деп мәлімдеді Статистика комитеті. - Бұл өткен жылдың бірінші жартыжылдығымен салыстырғанда 2,5 пайызға аз. 

Басқа өңірлермен салыстырғанда Шығыс Қазақстан облысында адам өлімі жиі тіркелген - 6,9 мың адам. Екінші орында Алматы облысы - 6,8 мың адам, үшінші орында Қарағанды облысы - 6,5 мың адам қайтыс болған.

Өлімнің негізгі себебі ретінде қатерлі ісік, қан айналымы жүйесі, тыныс алу аурулары көрсетілген. Тұмау, жедел респираторлы аурулар және пневмониядан адам өлімінің 2,1 мың дерегі тіркелген. Бұл өткен жылмен салыстырғанда 3 пайызға аз.