Алтай ауданында ангиографиялық блок ашылды

Бұл туралы аудан әкімі Қалиқан Байғонысов өзінің әлеуметтік желідегі парақшасында
жазды. 

- Ангиографиялық блокта заманауи диагностика, жүрек-қан тамырлары ауруларының профилактикасы және оларды кешендік емдеу үшін барлық жағдай жасалған, - дейді аудан әкімі. - Ангиографтың көмегімен мамандар тамырларға және жүрекке ота жасауды бастады.

Айта кетейік, бұл ангиографиялық блок Алтай, Катонқарағай және Күршім аудандарының тамыр патологиясы бар тұрғындарына ем жүргізеді және кең инфаркке жол бермей, адамдарды ауыр жүрек ауруларынан құтқарады деген сенім мол.