ШҚО-да жүзден астам адам сапасыз жол үшін жауапқа тартылды

Сапасыз жолдар көбінесе қилы апаттарға алып келеді, соның салдарынан адамдар жарақат алып, тіпті қайғылы жағдайда қаза болатын сәттер де кездеседі

Жыл басынан бері Шығыс Қазақстан аумағында 417 жазатайым оқиға болған, нәтижесінде 50 адам қайтыс болып, 600-ден астамы түрлі дәрежедегі жарақат алған.

ШҚО ПБ мәліметінше, жол-көлік оқиғаларының себептері жылдан жылға еш өзгермейді. Жол-көлік оқиғаларының көпшілігі әлі де нашар жолдар мен жол ережесін бұзған жүргізушілердің кінәсінен болады.

- Полиция қызметкерлері көшелер мен жолдарды тексеріп, кемшіліктерді жою туралы арнайы нұсқамалар шығарады. Сегіз ай ішінде жол қадағалау мамандары 890-нан астам тексеру жүргізді, нәтижесінде жолдардың сапасыз күйі үшін 127 қызмет басшысы әкімшілік жауапкершілікке тартылды, - деді ШҚО ПБ басшысы Сағат Мәдиев.

Тақырыптар: Некачественные дороги в ВКО Новые дороги в ВКО ДТП в ВКО ДП ВКО