Шығыс Қазақстанда көлік ұрысы ұсталды

Бейнежазбада ұрының көліктерге қалай кіріп, иесінің әмияндарын, сағаттарын, сөмкелері мен ұялы телефондарын ұрлағаны анық көрсетілген. Көлік иелеріне келтірілген жалпы шығын шамамен 600 мың теңгені құрайды. 

ШҚО полиция департаментінің хабарлауынша, бейнетаспаны зерттегеннен кейін тәртіп сақшылары күдіктіні анықтаған. Ол бұрын қарақшылық және алаяқтық үшін сотталған 25 жастағы облыс орталығының тұрғыны болып шықты. 

- Қазіргі уақытта ұры ұсталды, оның 10 қылмысқа қатысы бар екендігі дәлелденді, тергеу жалғасуда, - деді ШҚО Полиция департаменті басшысының орынбасары Талғат Шаяхметов. - Ағымдағы жылдың басынан бастап тұрғын, кеңсе немесе өндірістік үй-жайларға, қоймаға немесе көлік құралына заңсыз кіргені үшін жауапкершілік күшейтілді.

Егер күдікті жәбірленушіге келтірілген материалдық залалдың орнын толтырған болса да, сотталушыға ешқандай шағымы жоқ болса да, заңдағы жаңа өзгерістерге байланысты екі жақтың татуласуы мүмкін емес.