Өскеменнің кейбір көшелерінде жаяужолдар жөнделуде

Мамандар Өскемендегі жаяужолдарды жөндеуді ішінара аяқтады, деп хабарлайды Устинка LIVE тілшісі. Атап айтқанда, жұмыстар келесі учаскелерде аяқталды:

• Қазақстан көшесінен №4 мектепке дейін, тротуардың ұзындығы 400 метрді құрады;
• Буров көшесінен №35 мектепке дейін, ұзындығы - 75 метр;
• Мұхамеджан Тынышпаев көшесі, 139, ұзындығы - 509,8 метр;
• Мұхамеджан Тынышпаев көшесі, №2 мектеп, ұзындығы - 60,97 метр;
• Өскемен көшесі бойынша ұзындығы-290 метр;
• №23 мектептен Сыртқы тұйық көшесіне дейін, ұзындығы - 90 метр;
• Малдыбаев көшесі бойынша, "Промбаза" автобус аялдамасынан "Мешіт" аялдамасына дейін, ұзындығы - 1480 метр;
• Назарбаев даңғылы бойынша Стахановская көшесінен Виноградов көшесіне дейін, ұзындығы -410 метр.

Өскемен қаласының әкімдігінде хабарлағандай, қазір сол жағалауда Ульяновск және Зырян көшелерінде асфальт жабынын жөндеу жұмыстары жалғасуда. Олардың жалпы ұзындығы - 2 шақырым.

- ПГС-дан негіздер төгіліп, тіреуіштерді монтаждау және асфальттауға дайындық жүргізілуде, - деп хабарлады облыс орталығының әкімдігінде. - Сондай-ақ Бажов көшесі, 542, бойынша жұмыстар жүргізілуде, ұзындығы 150 метр, асфальт-бетон қоспасын төсеуге дайындық жұмыстары жүргізілуде. Ұзындығы 450 метр болатын Нефтяная көшесінде жұмыстар басталып, ернеу тастарын монтаждау жұмыстары жүргізілуде. Сондай-ақ, Абай даңғылы бойында ұзындығы 180 метр Красин көшесіне шығатын жаяужол құрылысы жүргізілуде.

Алдағы уақытта қала билігі Өтепов көшесі, 3-5, 5-7, сондай-ақ Нұрсұлтан Назарбаев даңғылы бойында Виноградов көшесінен 30-шы Гвардиялық дивизияға дейін жөндеу жұмыстарын жүргізуді жоспарлап отыр.