Курчатовтағы қалалық моншадан 400 мың теңге ұрланды

Оқиға 2016 жылдың қазан айында орын алды, деп хабарлайды Устинка LIVE тілшісі.

- Сол кезде қалалық полиция бөлімінің кезекші бөліміне 67 жастағы зейнеткер жазбаша өтініш білдірді, - деп мәлімдеді ШҚО ПД баспасөз қызметі. - Арыз беруші 2016 жылдың 16 қазанында сағат 22.00-ден 2016 жылдың 17 қазанында сағат 09.00-ге дейін Красноармейская көшесінде орналасқан қалалық моншаның терезесі арқылы және жұмыс бөлмесінен есікті бұзу арқылы жасырын түрде 375 мың теңге ақша қаражатын ұрлаған белгісіз тұлғаларға қатысты шара қолдануды сұрады.

Полиция қызметкерлерінің анықтауы бойынша, ұрлық жасауға бұрын осындай бұзушылық жасағаны үшін сотталған 33 жастағы ер адам қатысты болған.

- Қазіргі уақытта ұрлық фактісі бойынша сотқа дейінгі тергеу материалдары процессуалдық шешім қабылдау үшін сотқа жіберілді, - деп атап өтті ШҚО ПД бастығы Сағат Мәдиев.