Жыл соңына дейін Ресей КВИ-ға қарсы вакцина шығаруды жоспарлап отыр

Коронавирустың ресейлік вакцинасының жаппай өндірісі биылғы жылдың соңына дейін басталуы тиіс, деп мәлімдеді Федерация Кеңесінің спикері Валентина Матвиенко.

- Жалпы егер одан әрі осы жолмен жүрсек, жыл соңына дейін вакцина шығара аламыз деп ойлаймын. Барлық ниет білдірген азаматтар екпе ала алады, - деді Матвиенко бейсенбі күні өткен баспасөз мәслихатында.

Ол Ресей алғашқылардың бірі болып екі вакцинаны клиникалық сынақтан өткізіп, жақсы нәтиже көрсеткендігін еске салды: "бұл нәтижелерді қорытындылап, өндірісті жолға қою керек".

- Біз әрқашан халықаралық ынтымақтастыққа ашықпыз. Егер біз өндірісті жақсартсақ, әрине, біз оған мүдделі барлық елдермен бөлісеміз. Біз тек өзіміз үшін ғана емес - біз бөлісеміз, - деп уәде берді Матвиенко.