Өскеменде 29 көпбалалы отбасы пәтер иеленді

Қаныш Сәтпаев даңғылында, облыстық драма театрының артында қаладағы бірінші шағын ауданның кешенді құрылысы жүргізілуде, деп хабарлайды Устинка LIVE тілшісі.

- Қазір біз бес үйді аяқтадық, бұл 216 пәтер. Олардың 29 кілттерін біз бүгін көпбалалы отбасыларға табыстаудамыз. Қалған үйлер салынып жатыр, мұнда 48 көппәтерлі ғимарат болады. Жанында театр, оңалту орталығы, "Нұрлы жол" саябағы орналасқан. Бұл біздің қаламыздың ең үздік ауданы болар еді, - деді Өскемен қаласының әкімі Жақсылық Омар.

Қала әкімдігінің мәліметінше, биыл 519 мың шаршы метр тұрғын үй пайдалануға беріледі, 3,5 мың отбасы жаңа пәтерге ие болады.