Мотоциклшілер қатаң бақылауға алынды

ШҚО-да 18-25 маусым аралығында мотокөлік қозғалысы қауіпсіздігіне назар аудару мақсатында жедел алдын алу шаралары өтеді

Облыс орталығындағы саптық бөлімшелердің қызметкерлері түнгі қаланың тыныштығын бұзып, жол-көлік ережелерін бұзатын мотоцикл жүргізушілеріне заң нормаларын қолдану бойынша қосымша нұсқама мен оқудан өтті

- Көктем-жаз кезінде мотоциклдің қатысуымен болатын ЖКО саны артады, - дейді Өскемен қалалық ПБ жол-техникалық инспекциясы бөлімінің басшысы Сергей Коваленко. - Биылдың өзінде бес апат болған. Нәтижесінде үш адам көз жұмып, екеуі жарақат алған. Оның үстіне байкерлер өздерінің де, өзгенің де өміріне үлкен қауіп төндіріп, түнімен қала жолдарында жарыс өткізеді.

Шара барысында полиция қызметкерлері мотоқауымдастық және мотоклуб өкілдерімен түсіндіру жұмыстарын жүргізеді.

Тақырыптар: Мотоциклисты Усть-Каменогорска Полиция города Безопасное управление