Үйді өрттен аман алып қалды

Кеше Тарбағатай ауданындағы Ақсуат ауылында жер үйдің шатырында өрт шыққан.

Оны байқаған көршілері өрт сөндірушілерді шақыртып, олар хабар түсе сала үш минут ішінде оқиға орнына дереу жеткен.

Құтқарушы сегіз адам бір сағаттың ішінде өртті ауыздықтап үлгерді. Әйтпегенде жалын бүкіл үйді бірақ шарпитын еді.

- Өрттің шығуына өрт қауіпсіздік ережелерін сақтамау себеп болуы мүмкін. Электр құрылғыларын пайдалану салдарынан өрт шықпас үшін үнемі тоқты, сымдарды тексеріп отыру керек. Уақытында ауыстыру керек және оны тек мамандар жасауы жөн, - деп ескертеді облыстық Төтенше жағдайлар бойынша департамент мамандары.