Семейліктер пәтер жалдаймын деп жиі алданып қалатын болған

Яғни, пәтерін жалға беретін адам қала сырында жүргенін атйып, алдын ала біраз сома талап етеді. Тіпті, кейбір пысықтар пәтер ақысын толықтай электронды әмиянына немесе картасына лақтыруды сұрайды екен.

Бұл әдістің бір қулығы – пәтерлер анағұрлым арзанырақ, ұзақ уақытқа жалға беріледі.

Дәл осындай ыңғайлы шарттарға бес адам сеніп қалған. Семей қалалық Полиция басқармасының баспасөз қызметі ұсынған ақпараттарға сүйенсек, күдікті 34 жастағы Павлодар қаласының тұрғыны. Оған қатысты тергеу жүріп жатыр. Бұл азаматша 4 мың АЕК көлемінде айыппұл төлеп, түзету жұмыстарына тартылып, мүлкі тәркілене отырып, төрт жылға бас бостандығынан айырылуы немесе шектелуі мүмкін. 

Полиция қызметкерлері пысық бикенің басқа осындай қылмыстарға қатысы бар-жоғын анықтауда.