Өскемен мен ШҚО 87 келі балық өнімін алып өтпек болған келіншек ұсталды
"Уылдырық шашу" акциясы кезеңінде аймақта браконьерлікке қарсы шаралар күшейтілді
16 сәуір мен 31 мамыр аралығында Шығыс Қазақстан облысы аумағында "Уылдырық шашу-2020" акциясы өтіп жатыр. Акция балық биоресурстары мен өзге де су жануарларын заңсыз аулау, ұрлау, шығару, өткізу фактілерін анықтау және алдын алуды көздейді.
Акция нәтижесінде тәртіп сақшылары екі қылмыстық істі анықтап, 172 әкімшілік хаттама толтырды.
Мәселен, 18 мамыр күні Өскемен-Самар блок-бекетінде полиция қызметкерлері Күршім ауылында тұратын азаматша тізгіндеген көлікті тоқтатқан. Ол 57 келі балық жон етін, 20 келі балықтың тартылған етін, 10 келі уылдырықты қатырып алып, ешқандай құжатсыз алып өтпек болған.
- Бұл азаматшаның ісінен ҚР ӘҚтК 389-бабын бұзу белгілері байқалады, - деп мәлімдеді ШҚО ПД баспасөз қызметі. - Әкімшілік жауапқа тарту үшін материалдар балық инспекциясына жолданды. Азаматша сәйкес орган белгілеген мөлшерде айыппұл төлейді.