Өскеменде көпбалалы әке өзіне-өзі қол салмақ болды

28 жастағы азаматтың өз-өзіне қол салмақ болғаны 112 қызметіне түскен хабардан соң белгілі болды

Құтқарушылар оқиға орнына жеткенде ер адамның мас екені анықталды. Ол тоғызыншы қабаттағы пәтерінде бала-шағасы мен әйелімен бірге есікті жауып алып, балконнан секірем деп сес көрсеткен.

- Жағдайды бес баласының пәтерде болғаны қиындатты. Оның біреуі жаңа туған шақалақ. Психолог көмекке келіп, есіктің арғы жағынан екі сағат бойы ер адаммен байланыс орнатуға тырысты, - дейді ШҚО ТЖД мамандары.

Маман ол азаматты пәтерге өзін кіргізуге көндірді. Отағасына психологиялық көмек көрсетілді. Психолог балалармен де сұхбаттасты.
Ақыры тәртіп сақшылары мен құтқарушыларға да есік ашып, қайғылы жағдайдың алдын алды.