ШҚО-да ер адам қару-жарақ пен қымбат бұйымдарды ұрлап кетті

Павлодар облысының тумасы уақытша Өскемен қаласындағы танысының үйінде тұрып жатқан. Ол базарлардың біріне апта сайын белгілі бір уақытта тауарға келетін ерлі-зайыпты кәсіпкерлерді аңдыған. Олар Глубокое ауданындағы ауылдардың бірінде тұратын көрінеді.

ШҚО Полиция департаментінің баспасөз қызметі ұсынған ақпараттарға сүйенсек, жұп ештеңеден хабары жоқ кезекті рет облыс орталығына аттанғанда қаскөй олардың есігіндегі құлыпты бұзып кірген. Үй ішін тінту кезінде жалпы сомасы 1,6 млн теңге болатын алтын, құндыз тон мен желеткені алып кеткен. Одан өзге, қару жасырынған сейф кілтін тауып, ондағы "ИЖ-27" және "ИЖ-54" 12 калибрлі аңшылық қару мен екі қорамсақты алып кеткен.

Үйге оралған кәсіпкер жұп полицияға шағымданған. Тәртіп сақшылары қаскөйді анықтап, тұтқындады. Тергеу барысында күдікті қылмысын мойындпды. Қару мен қорамсақ тәркіленді.