Семейде егде жастағы әйел өрт кезінде қаза тапты

Оқыс оқиға 6 сәуір күні орын алды. Оқиға куәгерлері 101 қызметіне 18.47-де қоңырау шалған. Ол Әуезов көшесіндегі көпқабатты үйдің бірінші қабатындағы пәтерден өрт шыққанын хабарлады.

- Жалпы аумағы 30 шаршы метр пәтер ішіндегі еден, жиһаз, есік және терезе жақтаулары мен жеке заттар, тұрмыстық техника өртеніп кеткен, - деп мәлімдеді Семей қалалық ТЖБ баспасөз қызметі. - Барлау барысында өрт сөндірушілер есінен танып жатқан үй иесін тапты.

Құтқарушылар 58 жастағы әйелдің өміріне араша түсе алмады. Ауруханаға бара жатқан жода көз жұмды. Пәтерде тағы да марқұмның 34 жастағы ұлы болған. Ол өрт ортасынан сытылып шыққан. Оған дәрігерлер көмегі қажет болмады.