Өскемен мен ШҚО Демалыс күндері тұрғындарға жеке көліктерімен көшеде жүруге болмайды
Облыс әкімінің өкіміне сәйкес 2 сәуірден бастап төтенше жағдай режімі мерзімінің соңына дейін Өскемен қаласының аумағында жүруге шектеулер енгізілгені белгілі
- Өкімге сәйкес жеке автокөлікпен сенбі және жексенбі күндері, сондай-ақ мереке күндері жүруге тыйым салынған, - деп ескертеді Өскемен қаласының әкімі Жақсылық Омар өзінің әлеуметтік желідегі парақшасында. – 6 сәуірден бастап (сағат 00.00-ден), яғни, дүйсенбіден бастап автокөліктің мемлекеттік тіркеу нөмірінің жұп немесе тақ санына аяқталуына байланысты жеке көліктердің жүруіне рұқсат етіледі.
Тек арнайы көлік құралдары тиісті рұқсаттамаға сәйкес кедергісіз жүре алады.
- Жаяу жүретін тұрғындарды автобустар мен трамвайлардың саны 80 пайызға дейін қысқартылатыны жөнінде хабардар етемін. Яғни, қоғамдық көлікті күту уақыты ұзарады, - дейді Жақсылық Мұқашұлы.
